पूर्वपरिक्षणाची कार्यपध्दती

1. अर्जदाराने मंडळाच्या कार्यालयातून नमुना “ आय फार्म” ( अर्जाचा छापील नमुना) प्राप्त करुन त्यातील संपूर्ण तपशील भरुन व अर्जाला रुपये 2 चा न्यायालयीन शुल्क मुद्रांक (कोर्ट फी स्टॅम्प) लावून तो अर्ज लिखाणाच्या दोन प्रतीसह या कार्यालयाकडे टपालाने/स्वत: सादर करता येईल. सदर अर्जाचा नमुना ( आय फॉर्म) मंडळाच्या mumbairangbhumi@gmail.com या Email Site वर ही संपर्क साधून प्राप्त करता येईल.
2. पूर्वपरिक्षणाचा अर्ज www.aaplesarkar.mahaonline.gov.in या संकेत स्थळावरुन Online पध्दतीने ही सादर करता येतो.
3. पूर्वपरिक्षणासाठी करावयाचा अर्ज (I FORM) रंगभूमी मंडळाच्या वेबसाईट वरील Related Links वर डाउनलोड येथे PDF स्वरुपात उपलब्ध आहे.
4. लिखाणाच्या २ प्रती (copies) स्पष्ट व सुवाच्च अक्षरात कागदाच्या एकाच बाजूला लिहिलेल्या अथवा टंकलिखित केलेल्या आणि व्यवस्थित आवरण घातलेल्या असणे आवश्यक आहे.
5. पूर्वपरिक्षण शुल्क केवळ रोखीने अथवा मनिऑर्डरने स्वीकारले जाईल. ते चलन/चेक/ पोस्टल ऑर्डर किंवा इतर पध्दतीने स्वीकारले जात नाही.
6. अर्ज प्रत्यक्ष सादर करताना कार्यालयीन वेळेत दुपारी 5.00 पर्यंत पूर्वपरीक्षण शुल्क सह स्वीकारला जाईल.
7. सर्व आवश्यक बाबीची पूर्तता झाल्याखेरीज परिक्षणाबाबत पुढील कार्यवाही केली जाणार नाही.